PSICOMOTRICIDADE

Ao longo do 2º trimestre, os nenos e nenas de Vilaza traballamos moito en Psicomotricidade:

Fixemos xogos cooperativos.
Traballamos o equilibrio dinámico e estático.
As habilidades e destrezas motrices básicas traballámolas realizando diferentes tipos de desprazamentos, saltos, xiros nos diferentes eixos corporais e lanzamentos e recepcións.
Xogamos a pases e bote de balón.
Realizamos traballo en circuitos de múltiples habilidades.
E tamén fixemos pinchacarneiros.

Queredes velo? mirade, mirade...

SAÍDA Ó MARCO

Tendo en conta o proxecto sobre arte que estamos a levar a cabo este ano, non podía faltar unha saída a un museo. Polo que onte, xoves, xunto cos nenos e nenas da aula de Peitieiros e de Couso, partimos rumbo a Vigo para visitar o MARCO (Museo de Arte contemporánea), onde nos transformamos en espías para ir descubrindo as numerosas obras de arte que alí puidemos atopar. 

EXCURSIÓN DÍA DO LIBRO

Comezamos o último trimestre con moitas forzas! 

Así, hoxe fomos de excursión á Gondomar para celebrar o día do libro. Primeiro fomos á biblioteca onde nos contaron o conto  de "Frederick", despois fixemos un pequeno descanso para merendar e repoñer forzas no parque e, por último, asistimos ao concerto de Uxía, "Rosalía Pequeniña". Como vedes foi un día moi completo e pasámolo moi ben xunto cos demais nenos e nenas do cole. Aquí quedan as imaxes que o demostran.

                                     
                                      

                                      

CARLA XA TEN 4 ANOS!!!

Hoxe celebramos o cumple de Carla, que xa ten 4 anos e está feita unha chica maior. Trouxo unha tarta boísima que comemos, eso sí! despois de cantar o cumpreanos feliz e de soprar as velas. Tamén xogamos a zapatilla por detrás, en recantos... Aquí quedan as imaxes que demostran o ben que o pasamos.

PARABÉNS CARLA!!