Primavera

Aquí vos deixamos os debuxos que fixemos, xa fai un tempiño, da primavera....agardamos que vos gusten, aínda que o tempo non acompañe moito.

Día Mundial da Concienciación do Autismo

O día 2 de abril celébrase o "Día Mundial da Concienciación sobre o Autismo"; o Autismo é unha discapacidade permanente do desenvolvemento que se manifesta nos tres primeiros anos de vida e derivase dun trastorno neurolóxico que afecta ao funcionamento do cerebro, que afecta principalmente aos nenos de todos os países, con independencia do seu sexo, raza e/ou condición social e económica.
Caracterízase por deficiencias na interacción social, problemas na comunicación verbal e non verbal e patróns de comportamento, intereses e actividades restrinxidos e repetitivos.

Para conmemoralo, na escola de Vilaza, coa profe Sandra vimos un vídeo e falamos un pouquiño das persoas que teñen problemas para desenvolverse por si mesmas...e despois levamos a cabo a campaña proposta para este ano, e colgamos globos azuis na escola...A profe Vero, que non estaba ese día, ten curiosidade por saber que explicación vos dimos na casa cando nos preguntastes polos globos...

Vos deixamos ademais un vídeo que, aínda que non é o que vimos nós, é moi bonito

Aniversario de Bernardo

Levamos moito tempo sen actualizar o blog...pero xa estamos de volta con máis folgos que nunca!!
Comezamos cun acontecemento moi importante na nosa aula....O ANIVERSARIO DE BERNARDO!!!  nada máis e nada menos que 6 anos!! Bernardo estaba radiante, moi contento e orgulloso...mirade mirade!!!

Para festexar este gran acontecemento comemos un biscoito de iogur bañado en chocolate, desta volta non puidemos cociñar, pero Bernardo adornou os biscoitos e os deixou riquísimos!!



Non sabemos que desexo pediría Bernardo, pero agardamos que lle cumpra!!!